الوقت ياحمود انتكس ما تغير

الوقت يا حمود انتكس ما تغيّر
والناس ينقص طلعها مابها زود

والصدق نبرة صوتها ما تطيّر
مخنوق نوحه يشتكي ضعف مجحود

كم كذبتن يسمع طربها تزيّر
يضرب طبلها وينشد الشيخ بالعود

يا حمود رمش العين شيبه تبيّر
لا صار يكتب جامع المال محمود

لو هو رديّ النفس دربه تجيّر
شيخن على كلّ المخاليق معدود

من ينتقص ماله مثيله يعيّر
ولا يندرى جيّه ولا عنه منشود

ياحمود قلبك هو صحيحن يسيّر
يختال فكرك باريش العين مشرود

صابت خفوقن ما لغيره تخيّر
يدبك حفا لا صارت الناس برقود

والصاحب اللي بالشدايد تذيّر
باب العلا في دربها دوم مسدود

ياحمود وقتن حيّر اللي تنيّر
يرجي عسى بالطيب يبنى لنا عود