ماسك اوراقي عسى ليلي عسى

ماسك اوراقي عسى ليلي عسى
ما تغيب إنجوم ضوّي بالظلام

لو يبلّل مدمعي كف ٍ رسا
ما درت عنّه تواقيع السلام

أشرب أكواب ٍ حزينه تحتسا
ما رشفها غير من هو مستضام

وش هي الغربه وكلّن له نسا
بالخوال اللي تكاثر والعمام

مدّعي جهلي وانا ليلي أسا
منقلب جوّي مناويح وكتام

تبكي أقلامي على جسر الحسا
وكلّن أيّامه توافيق وهيام

بالهويّه ننتمي لين المسا
للعروبه بالمحابر والملام

وان تبينا باللقى والمقتسا
أبشر أخوانك مقافيها دوام

باكر الوقت يْتزايد بالكسا
ونرتقب دور ٍ تواليّه هدام