ياحمود ياراع المواجيب ياحمود

لـ ، ، في غير مُحدد، آخر تحديث :

ياحمود ياراع المواجيب ياحمود
شفت الزمن بالناس وشلون سوا
اله ثلاث سنين بالحرب ويزود
يضعف قوي وضعيف فيه يتقوا
وخذف رجال(ن)دونها جيش وجنود
حكام محروسين بر(ن)وجوا
في يوم من وال المقادير مرصود
نجم(ن)على رجم الشياطين هوا
راحوا ضحايا حرب مسس ومقصود
والحي منهم بالسجون يلوا
بلوى من اللي كل شين له يعود
عالم خفايا الخلق خارج وجوا
واكيد ظلم وراعي الظلم موعود
في دعوت المظلوم شر(ن)وسوا
خلق(ن)تهول فيه حاسد ومحسود
سبحان خالقهم من ادم وحوا
ولايضيع حق(ن)من اهل ظلم مجحود
لو بالوثايق عن عباده يطوا
لبد مايرجع من الله مردود
عالم بامن ظالم بقصد ومغوا
وناس(ن)تدور فود ماعينت فود
الا بلهيب الحرب قامت تكوا
ومن ماشكر ربه على النقص والزود
روح سلاح وحجت(ن)للعدوا
فيه ايتسلح من به الظلم معهود
قليل خوف الله عديم المروا
سقت الشعر ماهو لحاجه ومحدود
وذكرتبه ريف الخوي بالخوا
سوق المزن من خالق الكون بالنود
حتى دهور ارضه من الما تروا
مزنن نشا عقب الدهر برق ورعود
يسوقه النود الطيف بهدوا
وختارك انت بمطلعه يافتى الجود
يوم الشعر من ضيقت البال دوا
يابن الرجال اللي لها الطيب ممدود
اللي لهم بالمجد ساس وعلوا
مال للمراجل عندهم عرض وحدود
ارض وبحر ماتنتحدد وجوا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين