الجيفنشي - حسن بن نافل العرجاني

ياصباح الحسن في وجهه وصفّ ارموشه
ويامسا ليل الجديل ولفحته وانعاشه

ويامسا خوخٍ صغيرٍ من نتاج الروشه
ويا مسا عودٍ تمايل والهوى ما حاشه

ويا مسا عنقٍ وكفٍّ فيه دق انقوشه
ويا مسا خدٍّ تزايد بالظلام فلاشه

ويا مسا عطر (الجيفنشي) بالنحر مرشوشه
(كريستيان ديور) من بعده كساد غراشه

ويا مسا ليل الطرب والملعبه والدوشه
شبه صفرا لاستعنّت للطرد شوّاشه

لو نظرها صاحب المليون طش قروشه
وان نظرها دالهٍ سالي يعيف افراشه

ايخسى عندي الملك فاروق معْ طربوشه
بالحسن اهو الملك والكنج وهو الباشه

لادنا مني وقلت اني نويت آنوشه
زاد بجفاله وخمّ اطرافه الرعّاشه!!

بالحيا تشبه عروسٍ تضطرب بالكوشه
والخجل ورّد اخديدٍ ناعمٍ كالشاشه

بين قلبي والعقل صار احتدام وهوشه
خله.الاضمه.الاخله.الا انتاشه؟!!

والله انه ضاع محبوبك حسن بالطوشه
كل ما لدت عيونه فيك زاد اخراشه

آه لبا ما خفى لبا نتاج الروشه
وآه ياعودٍ تثنى والهوى ما حاشه

© 2023 - موقع الشعر