صبرت مير الصبر عود على ماش
لو كان اجامل في مساي وصباحي
حاولت اكن الغيض في داخل الجاش
وتعبت من كثر المجي والمراحي
غديت انا والهم في حرب وهواش
والكل منا كل ماقام طاحي
وامسيت انا من جور الايام منداش
من وقتي اللي عشت فيه بكفاحي
ما داني المنه ورى كل غشاش
رزقي على مجري هبوب الرياحي
اللي عطا المخلوق من فضله ابلاش
مده ولا مد اليد ين الشحاحي
يضحكبي المسكين والخبل واللاش
راع الشياه اللي وراهن يتاحي
وليا نصحته عن طريق الخطا طاش
ينعاج ويكب الطريق السماحي
يبلاك لونك عن الشر منحاش
خبلاًً يشره في بعيد المشاحي
والذل عيب وراعي الذل ماعاش
يضيع حقه بين جني وصاحي
وخشمن يمينه ما تذريه يناش
تلقاه يلطم من جميع النواحي
والذيب اله فالليل مسرى ومغباش
ليا جاع يسري مايذوق المراحي
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
