يالله لاتنهي حياتي على ماش - حرف العنا

‫ياالله ،،،،لاتنهي حياتي ،،على ماش ‬
يارب سترك ،،،في الحياة الوسيعه

اذنب ،،ويغشاني ،مع الليل ،رشّاش
وتفز روحي امن الخطاء مستريعه

مالي جدا ،،كود الندم ،والتخشاش
لين ،،التخفي ،،،صار فيني طبيعه

اخفي ندوب القلب عن كل غشاش
ستر النفوس ،،امن الوفا والشريعه

واليا ضميري ،،،،طاح فيني تفتاش
يغتالني خلف ،،،الحصون المنيعه

يضيق ،،،صدر الحر ،،لاطار ماناش
من دنيته ،،،،غير الذنوب الشنيعه

باللحظه ،،،،اللي مابها طب وانعاش
واحداثها ،،،،،تكتب ،،،علينا سريعه

واليا تذكرت ،، اخري قطعة الشاش
وسط القبور ،،،الموحشه والمريعه

اليا تخلى الحظ عن وجهي وانحاش
كل ،،القرايب ،،،،وابتدوا بالقطيعه

يوم الحساب اللي بالأقساط والكاش
العذر ،،،م حد امن البشر يستطيعه

مدري غشى قبري ندى برد ورشَاش
ولا اشتعل ،،ضمن ،،القبور،، الوليعه

إما انغفر ،،،،،لي ذنبي اليوم واعتاش
وسط ،،،،الجنان الخالدات ،البديعه

ولاظهر ،،،،لي ماتخفى ،،،،بمنخاش
ويشهد على ،ذنبي الخلايق جميعه

رحمتك يارب ،،،،،الملا عبدكم طاش
راجيك تغفر له ،،، ووحدك سميعه

يارب تعفو عن ،،،،،خطاياه ،ماعاش
وترد له ،،،،،من بعد ،،،،صيفه ربيعه

‫ياالله ،،،،لاتنهي حياته ،،،،على ماش ‬
يارب سترك ،،،في ،الحياة ..الوسيعه

© 2024 - موقع الشعر