الشيخ عيادة الصديد

يا هلا ومسهلا في شيخنا (عياده)
(الصدَيد) المُبجل نسل الأجوادي

يوم تشريفكم يا سيِّد الساده
بالفعل يومْ ما هو عندنا عادي

الهمازين) فيكم عمت أسعاده
عندهم جيتك من بين الأعيادي

والمشاعر بليا شعورْ منقاده
بالهماليل فيها المزن رعَّادي

و(الجذيلي) بجوده يقْدح زناده
و(الهمازين) يدعيهم ب(عَوَّادي

لابةٍ ، عن ردى التقصير نقَّاده
خطوة النعم يقداهم بها القادي

بالنواميس كلٍّ يسْرج جْواده
والمراجل بها سردادْ مِرْدادي

و(إبن نواف) هذي له هي العاده
عادته من قديمْ وفيه تزدادي

له جزيل الشكر مليون وزياده
حق تشريفنا في راع الأمجادي

طبع الأجواد ما هو يهجر أجواده
في هل الجود له مصْدر وميرادي

سلوم الأجداد موجوده لدى أحفاده
فيهم الجود مولودٍ بالأحفادي

ربوعنا ، لا عدمناهم من أوجاده
رافعين إسمنا من فوق الأشهادي

فال ، منهو نصانا غاية مْراده
بالمواجيب يأخذ فوق ما رادي

بيتنا ، بالمفاخر ننصب عماده
ينتهض ثابتٍ بأطناب وأعمادي

في عَزاز الرفاع نثبِّت أوتاده
دام هم بيننا قرمين الأولادي

للمسافير ، فيه النار وقَّاده
وفيه بالكار لأهل الكار ميعادي

و(المباهير) فيها فايح قْناده
والخواطر بطيْب الفال تنقادي

و(اللحيسة) بأهلها ترفع إنشاده
يرتفع بالمثايل عذْب الإنشادي

ب(الكسابة) حاشا ما ينقص إمداده
دام الإمداد منا يأخذ إسنادي

العطاء) بيننا ما عنْه نشاده
وارثين (العطاء) من غاد بن غادي

عندنا ، سايدٍ وبلادنا بلاده
مَد ، ما جودنا بوجيهنا بادي

طبعنا بالمكارم تشْهد أشهاده
والفعايل سمول ومثلها جدادي

سلومنا ، كنها بقلوبنا عباده
حقهم خاذلينا رفض وعنادي

وأنتم ، يا شيخنا(عياده)على شداده
صدورنا في وجودك كنها النادي

فيكم الفخْر ما يوفيه قصَّاده
لو قصد غيرنا مليون قصَّادي

مجدكم ، ناسيٍ تاريخ ميلاده
وإسمكم شايعٍ من طول ما سادي

فيكم يا نخوة (الصايح) لنا قياده
وأنتم شيوخنا من عهد الأجدادي

قدركم فوق عالي يدمغ أضداده
في وفانا لكم يا سيد أسيادي

مثل ما (أجا وسلمى) صْمود صدَّاده
الله اللي هدانا والله الهادي

وأنت شرواك موعودٍ بميعاده
فيك جزل الهقاوي ما لها حيادي

بك تراحيبنا ينبض بها فواده
والمطر من سمانا سيَّل الوادي

وأسفرت وانورت لعيونك أنجاده
وأزهرت في زهور الورد والكادي

والنسايم ، علينا هبَّت أنواده
واعسى لفوتك بالخير تنعادي