وا حلاه - متروك بن متعب الفراهدي

وا حلاه الي يزين بعيني مرات ومرات
ربع الربايع زان على كل الزين وزاني

وا حلاه ياناس لا قفى صوب الأمارات
صحراوي يشق الشوق ويأسر الشباني

كايد عيون صناع الجمس الي بالولايات
وساحر قلوب صناع المارسدس الأماني

رقمه واحد تسعه خمسه وثلاث سبعات
فخري به النمره بحرين والصنع ياباني

متوكل على الرحمن قاطع فيه المسافات
ما أبدله بكنوز هامان لا ربي حياني

خوي سهيل ماتعصى عليه المتاهات
يجيب القاع وأعلى الجبال لوهي بلبناني

عليه تواير بالون و ساحب به جلنطات
نايم على الأرض نوم من زود الجناني

مركبله تيربو ونايترون وسبيربركات
وبازوكتين من صوتهن نصير طرماني

وقزوز دبل بفتحتين وموسع الفتحات
معاهم دبتين صوت قنابل وسط الفرجاني

لا صيحت بمحرق سمعوه أهل نويدرات
ولا خمست بالرفاع وصل راس رماني

والوصف يخدعني لاجيت صوب السيتات
سيتات ريس تفصيل من معارض مونتاني

والجلد عليهن بيج مفصل مثل المجوهرات
يسحرون شمس من يسار وبرق من يماني

والي عنده سؤال عن الموتر عندي أجابات
هذي سيارتي ياناس وعلى دان اليل داني

© 2024 - موقع الشعر