ودر الهجـــال ليا تكلـــــم جــو ابه - متروك بن متعب الفراهدي

قلبي غدابه واحد جز بابه
وخلى مكانه فالضماير خلاوي

كن الربابي يوم بانت عذابه
والعنق عنق اللي ترس المطاوي

اشبوب ريم قاد صيد هوابه
لياروحن مع الضبى مع نزاوي

ودر الهجال ليا تكلم جوابه
يرعن شق عميره والرحاوي

ومرباعهن حبر وادنى الغرابه
لاصار نوار الفياض متساوي

ومعلق فاقصى الضماير صوابه
مثل الطريح الليا اوتلته الاهاوي

تقنب عليه مجوعات الذيابه
وخلنه العيرات بأرض خلاوي

ويقطعك ياقلب متين جنابه
ورى هذا لونك عليل قساوي

ماترحمين اللي صوابك هوابه
تروف بالمجروح كلاك تاوي

وراعي جديل يوم حل انصبابه
ذيل الخليف اليا انثفل بالمحاوي

رشوشه العنبر ومسك وشابه
وعن كدهنه مايجيله عداوي

ودنوا لها اللي يوم قام بزهابه
وشدوا لها فوق اركبي سهاوي

يتبع لها شول تجاود رقابه
شول سهاف ووسم اهلها العطاوي

قدم السلف ممشاه لاجوا ضبابه
ولارد على بيوت الشواوي

وتكفون ياربعي ماعد ابه هابه
متى نتعاقب دونها بالهداوي

نرمى العشاء لمجوعات الذيابه
بمسلبات ياصلن الحراوي

اما عطوناها ترانا حرابه
من دون راعية القعود السهاوي

© 2024 - موقع الشعر