ياالله ياقـــــايد حبــال النصيبي - متروك بن متعب الفراهدي

ياالله ياقايد حبال النصيبي
يامنجي المخلوق من كل ماجاه

تفرج لغوش مثل غوش الذهيبي
اللي على ريح البلل شايف ماه

واهني من فارق علاج الطبيبي
واهني من ركب التكاسي وخلاه

ألفي على اللي يلطمون الحريبي
ماهوب مصري كبير مقفاه

يفرس عيال الناس تقول ذيبي
ويقطع ضلوع المودماني وخلاه

من مات مات ومن حيي هويعيبي
وعند الولي ياكثر الافراج كثراه

ياراكب من عندنا فوق شيبي
من فوق عيدي بعيد معشاه

مافوقهن كود امهات الصليبي
شغل اليهود اللي حزمهن مملاه

جابوا علاهن كلام تعيبي
ولاواهني اللي علاهن هنياه

ملفاك اهل شول يضد القليبي
وبيوتهم للضيف دايم مملاه

وريع سلامي يم سقم الحريبي
لطم الحريب الليا تبين خطاياه

وأثنه على كافي حياض الطليبي
ولد شديّد جعل الانذال تفداه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر