ياالله ياعالم خفيات الأرحام

ابدي بذكر اللي باالكوان.. علام
سبحانه اللي كل خلقه تهابه

ياالله ياعالم خفيات الارحام
ياالواحد اللي مايخيب الرجاء به

انك تزينها معي طول الايام
بذكر يجملني.. مابين القرابه

مبروك ياخالد عدد مر الايام
و إعداد نبت الأرض بصحراء وغابه

وإعداد من صلى ولله … صوام
وإعداد.. ماهل المطر من سحابه

مبروك لك مبروك ياحر ظرغام
يامشرع.. للضيف والجار بابه

مبروك للي للصعيبات مقدام
يأمنّ على الطولات فازت ركابه

يابن الرجال مزبنّه كل… منظام
زبانه… الجاني نهّار الطلابه

من رؤس حرب مسطرة المجد باقلام
تاريخهم مثبوت …كل درابه

واخواني اللي إعدّهم درع وحزام
محزم ظفر لآكشّر الوقت نابه

هم درّع جنبي لآحتمّى وقع الإقدام
عزّاز النّفوس وف.. الملاقى ذيابه

والخاتمة صلو على سيد… الانام
اللي عليه الله منزل… كتابه