(من يقول الزين مايكمل حلاه) - شبيب النعيمي

الصدر ضايق والمعاني تصطلي باقصى الضمير
والطرف عاف النوم ياعرّاف مادري وش بلاه

واللي قفا وانتحا والنوم خصمن للنضير
سهرن واسامر كل نجم الين ينحي من سماه

واخذ معا الافكار سجه واتعوذ واستخير
من شر همن يجرح الخفاق ويبيح خفاه

الوقت جاير والليالي في عناها تستدير
والعمر يمضي والسنين العوج تقصر من مداه

لكن ياشعّار ياهل الذوق والمعني الغزير
تسمعو ماقاله ابن اعرار واروو يارواه

عن قصتن فيها من الاحداث ماقد يستثير
كل القلوب المغرمه والعلم هذا مبتداه

الاوله حضي رماني فالمحبه كالاسير
معا حبيبن ماهقيت القلب يسلى عن هواه

(في موق عيني حافضه حفض النشاما للجوير
وان نزل من موق عيني فز قلبي واحتواه)

وان نضرت الطله اللي كنها البدر المنير
(يقول قلبي من يقول الزين مايكمل حلاه؟

انا اشهد ان الزين في خلي وصوفي تستثير
وانا اشهد ان الله عطاه وجمّله واكمل عطاه

حتى الحروف الابجديه لانطقها غير غير
اليا تكلم كن شهد النحل يقطر من شفاه

ياهيه ياللي تعذل القلب المولع مايصير
تبت يدينك ياعذولي والعذل تبت يداه

© 2024 - موقع الشعر