العمر يركض - صالح بن عمار

العمر يركض .. والليالي مشافيح.
وكم ليلة ٍ تآلد نهار ٍ محاها.

توضيح فكره ... والمعاني ملاقيح.
تكاثرت بالصدق حرفي رعاها.

دام السما تسما غيوم ومصابيح.
البيد يقلب وجهها من رواها.

الوضع مزري فاقد الحال تصحيح.
والأرض لو تنطق شكت من وطاها.

هذا الزمن وأيامنا به تصاريح.
واللي لهى بدنياه روحه عماها.

ساعه قصيره والثواني كما الريح.
والنفس تعميها مفاتن خطاها.

الموت حق وكل نفس ٍ به تطيح.
والناس تنسى من غداها عشاها.

كم واحد ٍ روّح وعيني له تْسيح.
وكم قلب ما تذرف له العين ماها.

مابين ترويح ٍ لنفسي وتلميح.
هذا هوى نفسي والآخر عطاها.

وكم واحد ٍ قال الشهاده بتوضيح.
تحت سمين الارض يلقى جزاها.

عاش العمر تكبير.. تهليل.. تسبيح.
بالقبر روضه .. والهنا في سماها.

وكم واحد ٍ صِبّح من الموت تصبيح.
يبغى الشهاده مير قلبه نساها.

وكم واحد ٍ صدره تملاّ مراجيح.
يلعب بها الوسواس يرسم هناها.

تبقى النوايا في صدور المفاليح.
مفتاحها فعل ٍ يبين خفاها.

هذا زمانك والليالي مراويح.
وكم ليلة ٍ تجفل من اللي وراها.

© 2024 - موقع الشعر