قصيده في مظاهرات بنات جامعة تبوك .

تظاهرن عند باب الجامعه في تبوك
يطالبن باالحقوق الليّ لهن ضايعه

حنا مع الحق ما فاالامر ذرة شكوك
والليّ يطالب بحقه سمعته ذايعه

ميرالطريقه عليها كل ناس ٍ يجوك
ما بين شمات والليّ ينشر الشايعه

الاوله ياولي الامر مرحوم ابوك
صون الامانه نهار الناس متبايعه

وجودهم مع سوى لوباالنظر يعجبوك
افواههم فاغره وبطونهم جايعه

ان كان به حق في صفحه على ظهر بوك
تكتب طلاباتهن ونفوسهن طايعه

هذا سلوب الحضاره عنه لايبعدوك
اكيد يلقى القبول وترجع الزايعه

ماهو بصياح وعصيّ ولا تأمن ان يضربوك
ان جيتهن لو بنصح يجنك مثاوعه

ذي بنتي وبنتك وذي بنت عمك واخوك
وفي نظر كل منا بنته الرايعه

لو ضقت بسبابها عزوتك ما يسندوك
كلاً يبي يقول هذا بنته المايعه

والثانيه الشعب وارض المملكه والملوك
مستهدفه من نفوس العالم الصايعه

ذي فرصة الليّ يدور للتملك صكوك
وارواحنا لو تروح الدار ما انبايعه