تبوك الورد - عواد الهران

رسالة(ن) جتني وانا كنت مقصود
وتحية(ن) صيغت باجمل عبارات
 
من صاحباً في خاطري دوم محمود
عشرة عمر وايام كانت جميلات
 
يبي يسافرعقب كداً ومجهود
سياحه و من عرض من له اجازات
 
قبل السفر تايه نزولاً مع صعود
جواز مع ترتيب ثم الحجوزات
 
لغه وخوفاً ثم دنيا بها ارعود
وبعض الامور اللي شبيه الخطيرات
 
ترفيه والمتعه هدف ثم منشود
بس التساءل هل لها من ضمانات
 
وبغى استشاره عقب صلاه وسجود
والاستخاره من انواع العبادات
 
جاوبت صاحبنا وهذي لى اردود
ياصاحبي لي راي ماهو التزامات
 
انا بتبوك الورد والورد منشود
حي الورود اقامتي بالبيانات
 
تبوك ورداً واسمها مصدر اورود
للعالم الاول وهذي شهادات
 
هديتي لك ورد وكادي مع العود
وسلام مني معطراًبالتحيات
 
هذي تبوك البحر مليانه احشود
الشط مرجاني ورملي وشاليهات
 
ومعالم اليابس لنا كلها اشهود
سهولها وجبال وقمم طويلات
 
وديانها وقيعانها سر معبود
وطعوس خلت للجزيره علامات
 
رحلات بر وبحر اسهود ومهود
الغوص والتطعيس ومعهن بقيات
 
امسطحاتاً خضر والامن موجود
والجو معروفا بجو الشمالات
 
واللوز له موسم مع الثلج موعود
حقيقة(ن) ماهي بنسج الخيالات
 
شمال غرب المملكه قبل الحدود
موقع وتكوينه خلق للسياحات
 
تاريخها معروف مثبت وموكود
ويكفي (زيارة من ختم بالرسالات)
 
من زارها يقول اصبحت مولود
ويسجل اسمه في سجل الاقامات
 
عشيقتي صراحة(ن) دون مجحود
ياحبها بالقلب ماله نهايات
 
هذي تبوك.وعندنا غيرها زود
بالمملكه اكيد يوجد خيارات
 
ارض الجنوب وكنها نبع مورود
فيها معالم للسياحه كثيرات
 
هذا اختصار وعل ماقلت به فود
ويالله حسن الخاتمه بالصلوات
 
*** عواد الهران***
© 2024 - موقع الشعر