جروح قصيده

يوم شفتك غنت جروحي قصيده
في خفوقي من ورا شوقي تويق

كنهم يوم ابعدوا لأرض بعيده
في تهاتيه المشاعر والطريق

أوقدتني لك وله دمعه جديده
في محاجر زمهريرك والحريق

أصبح المسجون حزنه تستزيده
والغريب اني لمطلوبك اطيق

كل حي يشتكي ممكن يريده
وانت رغم الغدر لي أوفى رفيق

هو حبيبي طير حظي لو اصيده
رحت من حلم السعادة ما أفيق

استشيره هو يبي حبي وأزيده
كيف ازيده وأنا في حبه غريق

هو خفوق الرمح ولعمري وريده
والمسافه لا بغيته ما تعيق

حالفه ما انساه لو قالوا عنيده
هو أحد قبلي نسى صدق صديق

لاخطا بالنفد نبته جا جديده
كن نبت النفل يفرش له طريق

قلتها كلمة وقولي ما اعيده
ذا حبيبي لو تجنالي عشيق