عود عيونك - تذكار الخثلان

ان طعتني ارحل بلا هم وجروح
طويت مركب حبنا مع شراعه

معاد انا لي فيك رغبة ومصلوح
خلاص خذنا من بعضنا مناعه

اول بنينا احلام وآمال وصروح
واليوم بانسف مابنينا بساعه

عود عيونك كل ليل على النوح
ولا تنتظر صبح يذيب القطاعه

ما انت ب.. كفو تصبح وصي على الروح
وانت تخون النفس لحظة دناعه

ازعل وعاند واضرب براسك اللوح
ومن البحر اشرب بكل اندفاعه

وان كان لك بعض الكرامه ومجروح
ارحل بصمت وخل عندك شجاعه

وش لك بقلب قالها اليوم بوضوح
اكرهك خذها قلتها عن قناعه

© 2023 - موقع الشعر