قال عود رمنه سنين مضن
زل العصر الصبا والمشيب حضره
ان حضر بالمجالس يتالي العصا
زهد فيه الولد والوغد والمره
من بقى معه مال فهو غالي
يكنسون الحصا بالعصا عن ثره
وان ما بقى معه مال فهو خايب
قيل عود كبير وفيه الشره
يا مجلي تسمع نبا والد
قاصر العضا طايل باصغره
كل من لا بعد ساد جده وابوه
لا ترد الثنا فيه يا المصخره
وكل من يبذل الجود في جلعد
مثل من برقع الباشق وصقره
برقعه يحسبه فرخ شيهانه
والخنا باطل عاطل ماكره
مثل باني بين فوق تل الرمال
ماله أصل، سلوب الهوا تقعره
والذي يرتجي الفضل عند اللئام
مثل مستفزع صاح في مقبره
بارة في ضحى اليوم عن باكر
عند راعي العقل خير من جوهره
وكل من زار ضده ولا زاره
ما تململ حربيه ولا ذيره
لو يجي عابد لاجي له بغار
ما يحب القشر جاه من نخشره
وان رد القضا بالقضا بادره
غارة بالضحى مرة تبهره
وان بغى ينتشر وانت ما تنتشر
فاصحبه لا يبرقعك يا الدوكره
لا تولي البطيني على غرتك
والصديق اعرفه للمضيق اذخره
فان بالناس نجس وذا طاهر
واخر مثل طيب وذا عرعره
واخر قال احبك وهو كاذب
طهر الهرج والقلب ما طهره
واخر من صباخ الثرى منبته
لو بذرت الندى في يديه انكره
واخر عند قوم وأنا خابره
لو يراهن على قصرهم سوجره
يا حكايا جرت يا عيال الحلال
امرها مشتبه والاديب نشره
من حصان بلود جذت به يديه
ادبر غاربه خارب السكره
يا شويخ نشا مع طيور العشا
ضاري بالحساسات والقرقره
فارس بالقهاوي وأنا خابره
بالخلا تاخذه طيرة الحمره
تاجر فاجر ما يزكى الحلال
لو يجي صايم العشر ما فطره
عاطل باطل فيه من كل عيب
لو تبي منه بول الخلا ما اظهره
لو تجي خالته تطلبه كف ملح
مخطر ضلعها بالعصا يكسره
هره
ماتت امه وهي ضلعها عايب
كل ما جت تزيد العشا كسره
ما عطا جارته ولو مد ملح
كل ذا خايف من جور المره
خايف تصطره صطرين حساب
أو تجور عليه ما يجي المحجره
فيه ربع ذليل وربع بخيل
وفيه ربع...................وربع مره
يا ضبيب الصفا ما تجي الا قفا
ما تجي الا مع النخش والنخجره
مثل راعي جلاجل مع ابن نحيط
ادركه من زمان وهو يسحره
يسحره مثل ضب هوى صلته
والملا لو تجي الحجر ما تقدره
قال يا ضبيب هذا جراد ضفا
والسبايا ثقال تبي جرجره
فاظهر للفضا من كنين الذرا
ثم جودوا عنه ساكف المحجره
ثم قال احملوا يا عياله عليه
واحد بلمه واخر عقره
ما يفك الحذر من سهوم القدر
والشويعر حميدان ياما انذره
يتحفظ عن الباب والطالعي
واثر القوم مكتنة بالذره
يا عيال الندم يا ربايا الخدم
يا غذايا الغلاوين والبربره
قلت هذا وانا في زماني بصير
كل ما زان صرف الدهر كدره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين