بعدك اقوى

كنت احسبنك عظيم وشفت نفسي بك عظيمه
وان قلبك صعب غيري يحتويه ويملكه

والنهايه .. إكتشفت وجيتني بصفعه أليمه
صوتها أودى بحبك في الدروب المحلكه

والله اني .. كنت اكن لعشرتك عزٍ وقيمه
لين شفت انك طريقٍ سهل غيري يسلكه

ولا تظن انك ظفرت ..وسقت نفسي للهزيمه
الهزيمه في عيوني يعني ..تعني المهلكه

شوف من فينا بيضعف ومن بتملاه العزيمه
وشوف من فينا بيصبر عالمرار ويعلكه

والله اني بعدك اقوى .. وان حبي لك جريمه
وانك أسوأ من عرفته فوق أرض المملكه