اسم الله عليك من ..التعب.. والندامه !
........ياللي تسابق ..آهتي .. آهتك / آه !

سم الله عليك من ..الفراق. وظلامه !
........داخل ..عليك الله.. لاتجيب طرياه !

لاتشتكي جرح الفراق وسهامه !
........وشمس المحبه في سما الحب مضواه !

لاتشتكي بكره / يابدر بتمامه !
........وتقتل حلو يومك / بحزنك تلقاه !

خلنا بطريق العاشقين ومُدامه !
........لاتفوّق انسان / الهوى منك اضناه !

لاتصنع بجو المحبه غمامه !
........دام المحبه صافيه أشكر الله !

وامسك لجام العشق واحكم زمامه
........وخل بكره لبكره وخل المعاناه !

(سولف / عن الحب وهواه وهيامه !
........سولف / لذا اللي في شفاياك قد تاه !

واسال / كثر مالقلب ضاع ب غرامه !
........وش قد انا احبك ؟,, وأجاوبك آنا / يآآآآآآآآآآآآه !)

مابه لحبي قد / يامستهامه !
........ياكثر رملك في شواطيّ كثراه !

ياكثر مالك في قصيدي علامه
........ياكثر ما للشعر في وصفك افواه !

وميل على صدري وضمه ونامه
........وأرمي همومك كلها في ثناياه !

وخل الفراق وابتعد عن ظلامه
........اسم الله على قلبك من الجرح وال آه !


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر