ياولد قرفاء ضباء . - محمد البياضي

فز يالهاجوس وبيدك القريحه
اقطف زهور الشعر من كل واحه

ان تعليت الشفاء من عشب شيحه
وان تجولت بتهامه من براحه

ماطلبتك في غرام وفي نصيحه
وما نخيتك غير في صدق وصراحه

ودي امدح رجل ويشرف مديحه
من بعد ما شفت جوده من كفاحه

خالد وفي مدحه بيوتي صحيحه
يستحق المدح من حقق نجاحه

له يمين ولاهي بيمنى شحيحه
والمراجل من صفاته والسماحه

ياولد قرفاء ضباء كلمه صريحه
منهلك من جم يا مطيب قراحه

لك جهود ولك مساحات ٍفسيحه
ومن نظرك يحق لك وسع المساحه

ومن وصل موقعك يا خالد يريحه
ياجد الليّ يطلب وللنفس راحه

من تراث وشعر شعبيّ وفصيحه
ومن علوم المنطقه من كل باحه

وعن رجال وخلدوا ذكرى مليحه
جبت سيرة كل منهم من صلاحه

كل منهم يا عسى ربي يبيحه
ورثوا تاريخ ما ينزف جراحه

وكل الاعضاء نفوسهم لك مستريحه
ذعذع الغربي وهبت لك رياحه

© 2024 - موقع الشعر