المعزه كونت لك ياولد نايف قصيده - خليف الوهيداني

عاد عيدك كل عام بخير وايامك سعيده
ودامت الافراح لك بالعيد وبكل الليالي

والله يحقق مناك وكل مانفسك تريده
وعل عمرك بالكرم والعز والا يمان طالي

والله ان القدر عندي زددت يالصاحب رصيده
وزاد في حجمه وطوله وهو عندي قبل عالي

مرحبا مليون يامرزوق ترحيبه جديده
مرحبابك مرحبا عداد مايهل الهلالي

ياولد من يشترون المرجله لوهي مكيده
الرجال اللي تنومس بالذكر الاجا مجالي

وافتخر برسالتك بالجهر وكرر واعيده
وافتخربك ياعريب الساس يازحل العيالي

والله ان اليوم هذا بالفرح دبلت عيده
وعندنا غالي قبل واليوم فوق حدود غالي

المعزه كونت لك ياولد نايف قصيده
والشعور انساقلك سوق المزون من الشمالي

الشمال اللي ليا هبت هبايبها شديده
يلتطم موج البحر منها وتلعب بالرمالي

اعسف الامثال من شانك ولو كانت عنيده
واجتهد ورقالها لوهي رقت رؤس الجبالي

© 2024 - موقع الشعر