الوجه الصبوح - عبدالله العبدلي

يا صباح الخير يا الوجه الصبوح
غيبتك طالت وانا مليتها

لي سنه وشهور والخاطر لحوح
ماهنت نفسي ولا هنيتها

أكتم العبرات في عيني وأبوح
في طروق ٍ للجفى جريتها

انتظر جيتك يا الترف الملوح
دلتي فاحت ولا زليتها

لك خفوقن لك معاميله تفوح
ينسكب منها عتب لا جيتها

ولك غصون(ن) اثمرت عشق وطموح
ومن دما خضر العروق ارويتها

شف حمام الحب من بعدك ينوح
ينثر دموعه ولا رديتها

وشف بروق الضيق من حولي تلوح
وكل قطره بسمكم سميتها

اقسم حروفك عليها و الجروح
ومن على بيض الورق لميتها

روف بي لاتصير مع وقتي شحوح
شوفها الاضلاع طافي ليتها

أشعل الشمعه ترا قلبي سموح
مد لي اليمنى بعد مديتها

© 2024 - موقع الشعر