يالوجه الصبوح

يعودني على صوته مافارقه ليله
شلون يبيني ابتعد عنه واروح
 
 
 
هو يظن النسيان سهل والله ياحليله
مادرى حياتي كلها ماسي وجروح
 
 
 
لايشيل الهم انا عنه اشيله
عقب غيابه احس تتركني الروح
 
 
 
كانه خايف لايجيني انا اجيله
واثق الخطوة يمشي ملكا طموح
 
 
 
موعدنا يابعد قلبي ماطيق تاجيله
احسك عايشن فيني وين ماروح
 
 
 
غيبتك عني ماهي سهله وقليله
ليا شهور على الفراش مطروح
 
 
 
يابعد كلي يابو عيون جميله
راعي الهوى من نظرتك مذبوح
 
 
 
لاجا باكر بمسح دموعي بمنديله
ارتمي في حضنه ابكي وانوح
 
 
 
بعمري وحياتي اشتري لقاه ومواصيله
هذا الشوق ماهو تلاعيب ومزوح
 
 
 
طول فراقك حيل ماباليد حيله
يامبدل همي وضيقتي بسعاده وفروح
 
 
 
قلبن مشتاقلك متى ماودك تاويله
شيدت لك في خافقي صروح
 
 
 
اكتب مكاتيب وبشوقن له اغنيله
فديتك ياحلو التقاسيم يالوجه الصبوح