حن رعاد الهجوس - عبدالله العبدلي

حن رعاد الهجوس وهلّت الوسميه
من ضمير الشاعر اللي محتزم ب الهامه
 
سرعته بالقاف كنها السرعه الضوئيه
وف القصايد والله انه ما تجف اقلامه
 
الشّعر معروف له وقفه كما الجاهيّه
كم فك اعدام رجل ٍ قبل حكم اعدامه
 
وسجل فعول العرب واحداثها اليوميّه
وسطر التاريخ بحروفه ورز اعلامه
 
ودامني شاعر يعْسف الحرف و القافيّه
وبين شعار الأدب متحيزمن ب حزامه
 
جيت ابارك من ضميري والمشاعر حيه
يمّكم يابو فهد يا معتلين الهامه
 
جعل مبروك الحفل ويعاد يا راعيّه
ف الحرار اللي على رجم الفخر حوّامه
 
جيت يم الحفل من دافع غلآ واحميّه
للرجال اللي على فعل الوفا قوّامه
 
ربعنا السمران دايم للعلا ماريّه
قايدين الطيب من وقفاتهم ب اخطامه
 
كاسبين الصيت بالكف الجزل جبريّه
وفي علوم المرجله نيرانهم شعّامه
 
ذخر مهلك ف المعارك يحتمون الهيّه
للصداقه صاينين وللعدا لطّامه
 
روس قوم ٍ يكرمون الجار و الطرقيّه
ورجلهم وقت المعارك ما يعد ايامه
 
ف الشجاعه و السطر وقفاتهم مثنيّه
ويم ميراد المعالي دايماً دحّامه
 
إيه ربعي هم راس المجد يا تاليّه
وعقّب الرجل الذي ما يفتخر ب اعمامه
 
ما حقرت اهل الوفا في هذي وهاذيّه
وما حسبت احساب بعض العالم اللوامه
 
والقبايل في ضميري باقيين اهنيّه
مجدهم يبقى على رجم الفعايل قامه
 
قالها اللي جا يشارك حفلة ابناخيّه
من ديار اخوان مريم جا يسوق اقدامه
 
.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر