مرثيه في والدي رحمه الله تعالى

مرحوم يا شيخ الكرم و الطيب
النادر اللي فارق ٍ فعله
 
قرم ٍ على كل الرِجال و ( ذيب )
ودايم علوم الطيب تخضع له
 
حافظ صلاته قبل طلع الشيب
يا رب تغفر له وتشفع له
 
يمناه لا مدّت تمد بغيب
لا مرّه المحتاج يفزع له
 
حتى الكرم خاواه ب الترغيب
من يوم ميلاده مبايع له
 
لا مرّه الطرقي لقى التوجيب
على الصحن واقف ويقطع له
 
رجل ٍ يأدب من يبي تأديب
مافيه طيب ٍ غير يفتعله
 
مافي ثيابه يا جماعه جيب
إمن الكرم ما عاد تنفع له
 
عين الوفا و الجود و الترحيب
اذا طرا طاريه تدمع له
 
عند العنايه جالس ٍ وامصيب
مكسور والاحزان مشتعله
 
فكري يودي بالحزن ويِجيب
والنفس مذعوره ومنفعله
 
قالوا ترا شمس الرجال اتغيب
ولا ياخذ الميّت سوى فعله
 
والباقي اللي عالم ٍ بالغيب
وكل البشر لابد ترجع له
 
لحظة وفاته صحت وسط السيب
يا جعلني فدوة ثرا نعله
 
يا رب ترحم من عداه العيب
وفي جنّة الفردوس يا جعلّه