مرثية في والدي رحمه الله - حمد العواشز
يا الله يا علام غيب الخفياتيا خالق ابن أدم وعارف خوافيهاللي نصلي له جميع الصلواتوالناس لا من صابها شي تدعيهاللي بسط ارضه وشاد السماواتله حكمة(ن) فالخلق ما أحد(ن) يضاهيهمن بعد ذكر الله ذكرت المعاناتودموع عيني مع قصيدي تجاريهدمع(ن) غزير(ن) في وصوفه صعوباتكنه مثل موج(ن) يصافق شواطيهوالحلق به غصه وتكسير كلماتما أقدر علي نطق الكلام ومعانيهتعبير حزني ما بتكفيه الأبياتلو إن حرف القاف شابت قوافيهفالصدر ضيقات(ن) وفالعين عبراتوكل(ن) على ما قيل فيه اللي يكفيهكني غريق(ن) في بحور(ن) عميقاتفي بحر حزني غارقن في مراسيهأسهر طوال الليل في جذب وناتمن وسط قلب(ن) كاثرات طواريهوجفني له أيام عن النوم ما باتاليا غفا لحظه همومي تصحيهوغيري شبع بالنوم فوق المخداتلا وا هني أهل القلوب المداليهشربت من كاس العنا بعض جرعاتوالوقت هذا ذقت مره وحاليهلكن مر الوقت قد زاد بالذاتوالضامي المضهود بلواه ترويهبين الالم والياس ضعت بمتاهاتوالدرب الأقشر أتعبتني مساريهوكبدي بها حرقة وغبنه و حسراتيا حسرتي للي رحل منه غاليهويا صدمت(ن) ماهي مثل أي صدماتفي يوم(ن) أسود أدقلتنا بلاويهقالو الخبر والكون كن فيه هزاتوالمنذهل حارت به عظام ساقيهمعد تحملت الخبر بين الأصواتفصرخت صرخه قالو الناس يا هيهقالو توفى قلت ما مات ما ماتما مات لا ما مات في قلب مغليهأحيان أقول العلم كله إشاعاتوابوي له يوم بيرجع وأفاجيهالله كم عانيت هذي الخيالاتوأخاف يلحقني كلام ومشاريهلكني ما بنلام في بعض حاجاتالفقد يجبرني على شي(ن) أبديهفقدت رمز الطيب راعي الجمالاتاسم(ن) على لسان المناعير تطريهقد عاش بالدنيا وله طيب بصماتما قد شكى حي(ن) ولا أحدن يشاكيهوماقد ذكر بإنه حصل منه زلاتوما دق كبد أحد ولا أحد مجافيهطلق الحجاج يقابلك بإبتساماتوجهه بشوش عند ضيفه وناصيهالصدق عنوانه في كل المهماتوالكذب معرض عنه ما هو يدانيهصبور في الدنيا و عنده قناعاتيرضي بمقسومه و تحصيل كفيهيصبر اليمن صار فالدهر ميلاتحتى على ضيمه لو الضيم يزويهتذكره كل الناس بأحلى العباراتبأخلاقه العليا وطيبة مباديهعلمه رفيع فوق هام المنيفاتودربه جميل في مراتع خطاويهملجاي دايم فاتخاذ القراراتاطيع شوره واللي يبغاه أسويهعلمني درب المرجله والطلاقاتووصاني بعلوم يا ما أجمل تواصيهيا ليت موتي قبل موته بساعاتو إنه بقى حي(ن) وربي معافيهلكن هذي قدرة الله وقد جاتما احدن يرد الموت يا كود باريهالموت ما منه محال و مفراتالموت درب(ن) كل الاجيال تمشيهفلو إن دمع العين بيرد من ماتإن كان دمعي سيل اليوم واديهولو إنه بيرجع بدفع الريالاتان كان بالأموال والروح بأفديهصورته لا زالت وسط عيني تباتمن وين ما قابلت زوله ألاقيهفالبيت في كل الزوايا علاماتله ذكرياتن راسخه في مماشيهأذكر مسيره في جميع الممراتوأقبل تراب(ن) توطته رجليهوإن مرت أيام وشهور وسنواتوالله ثم والله ماني بناسيهما أنساه لو ذابت جبال السراواتوما أنساه لين الله ياخذ مناويهادعي إله(ن) يستجيب الدعاواتما غيره أحدن لا تضايقت أناجيهيجعل فقيدن مات بأعلى الدرجاتفي جنة الفردوس ربه يهنيهينعم و يسعد في رغيد وملذاتوالله من حوضه يذيقه ويسقيهويجمعني به الله في رياضن وجناتومن بعد غيبه ألتقي به وأحييهوأعلمه باللي جرى من حكاياتمن بعد موته صابني لوعة التيهالله يصبرني على كل ما فاتويعصم فؤادن راح منه مواسيهوختامها صلو عدد كل الآياتعلى الرسول اعداد ما حل طاريه30/6/1431 ه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.