مرثية والدي رحمه الله - نايف الذويبي

كل الشكر لمن قام بمواساتي في وفاة والدي واعتذر عن عن غيابي لضروفي
مدخل //

سلام ومن العايدين وتحيات
شاعر ولد في مهد الاحرف ولاده

سلام ومن العايدين وبماجات
قريحتي جادت علي الافاده

وابوي حي بقلب نايف ولامات
واقدر اقول اني اعيش بحداده

سعادة الاحياء بارواح الاموات
في ذمتي مابعدها من سعاده

يابوي عيدك عند ربي ولابات
دمعي وقاومته جيوش الاراده

...... ابذكرك في كل لحظة واذا فات
ذكرك وربي اني لسوي اعاده

معك واعيشك واعتزي فيك مابات
رمشي ولا يهنا الغفا والوساده

القصيدة
يستاهل العيد مني كل تر حيبه

ويستاهل الصبح مني بوح وجداني
لاكن قلبي يابوباسل لواهيبه

من فقد ابوي اكتمل عقدي من احزاني
فجر الرجال اللذي مافاد تطبيبه

واخذه الاه البشر واعطاه واعطاني
اعطاه موته وهو صايم وياطيبه

من زود حبه لربه ساجد وحاني
جبينه وقلت يالله ماهي امصيبه

هذا ختام العمل بالطيب يااخواني
وحل العزا واخره فالعيد اهلي به

ونا عزاي بوفاته طيب جداني
ودعاء ناسن تحبه دونما ريبه

وتذكر صلاته ليا من صاح آلأذاني
والله انه من اول قايم يجيبه

فالبيت ولا مع القاصين والداني
والعيد للمسلمين وخير ترحيبه

وابوي عيده بروض الخلد وجناني
لو شافها مسلم العالم يضحي به

يارب تحسن ختامي واحفظ الساني
عن كل ضنه وعن شك وخطا ريبه

واكون مثله لساني دايم احصاني
يارب في جنتك وحدك وتدري به

والناس تشهد وشافت شوف الاعياني
يارب احبه ولاني دوم مصخي به

يالله سخرني لبره والاحساني
في جنة الخلد عيدك يقطع الخيبه

في عيد دنيا كماها زايل وفاني
رحم الله والدي وموتى المسلمين آجمعين

ابو باسل ( آخي الكبير | عبدالهادي بن رده الذويبي .
مخرج

الحمد للرحمن احسن ختامك
ساجد لوجهه يوم جمعه بهالشهر

فاخر عشر ايام واخر كلامك
تسبيح واستغفار ياطيب الذكر

يابوي انا فرحان لاني امامك
واشوفك ان صليت بالليل والعصر

جعل التراب اللي يلامس عظامك
يكسيك من طهرك ويتزايد الطهر

بقلمي / نايف الذويبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر