طير ياللي
إن نصحت القلب عيا ينتصح لي
وإن كبحت الشوق ماعندي جلاده
لو سمحت أبكتفي باللي حصلي
وإن فتحت الجرح ماحولك عياده
كيف رحت ؟ وترتجي ودي ووصلي
إن جرحت القلب ماينسا وداده
وإن نزحت الدرب للمقفين سهلي
قد مسحت إسمك وناديت الوساده
يمكن أنسا بالمنام وما اخلي
غير ذكرى وأصدق الذكرى إفاده
لاتنزل بالغرام ولا تعلي
بعد ماشنيت حربك والإباده
وش حدانا عالمفارق طير ياللي
وش جبرنا نسهر الليل وسواده
وش تجيب الله يبيحك وش تخلي
ناد حظك ياأقشر الإحساس ناده
فيه حلمي كان واضح وإضمحلي
وفيه قهوة كان سكرها زياده
وخل مرسولك عن دروبي يولي
لو زرعت الزرع مااخاف الجراده
قلهم صاب الغلا كسوووف كلي
والفراق المر حقق لك مراده
من بعد ماكنت تمشي مثل ضلي
رحت في دنياك يامال السعاده
بقلمي / نايف الذويبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.