منت ناوي تنتهي !!!

منت ناوي تنتهي يالترم الاوّل
راح نصك ونت كنك تو بادي

والشتا في نصك الثاني مِطوّل
والليال طْوال واتعبني سهادي

والدفا في حضن من رحت آتجوّل
بالخيال فْحسنها وانعش فوادي

ذيك من هي زينها طاغي مهوّل
ريم(ن) ْتقود القطيع وْلا تقادي

ذيك من هي شوفها لْروحي يموّل
أكسجين وْموية(ن) عذبه وزادي

ذيك جتها كيت ميدِلْتُن تسوّل
إطلبتها من حلاها الغير عادي

مير عيت بنت ابوها لاتحوّل
شي من أوصافها به يستفادي

ما أبالغ والحلا كافي يأوّل
ما أقوله بالصحيح وْبالوكادي

ما أقول الا عسى الشخص المخوّل
داير التعليم كله في بلادي

يامر انك تنتهي يالترم الاوّل
لجل أحقق حلمي وْغاية مرادي