معنى النار والجنه

أنا توي عرفت الحين معنى النار والجنه
بعَد مالله رزقنيّاك واعتقني من فراقك

له الحمد وْلَه الشكْرْ وْلَه الفضْل وْلَه المنه
على شوفك على حبك على قربك على عْناقك

أنا قدام لاشوفك تقل عطشان فالكنّه
وهلحين العروق امْبلّله من شوف برّاقك

هلا بك والخفوق اللي مكانك داخلِه كنه
ربيع خريم والتنهات والصمّان باحداقك

هلا ياللي سحرت اللي يحبك من صغر سنه
وخليته هو الافضل عشان ايعيش فاعماقك

هلا يامن لابوك ابْطيب فعله شنّه وْرنّه
يقوله لك ذراك وْتاجك وْمسندْكْ وِرْواقك

هلا ياجالب الفرحه هلا ياجالي الونّه
أرددها بأعلى صوت يوم الحظ لي ساقك