مـرثـيـتـي في خـالـي الـشـيـخ / سـرور ابن حبيب بن ذخـيـر الأسعدي - عبدالله بن نور الأسعدي

الله يعوضنا عن افراقك بْخير
ياضلعنا اللي فاقدتْك الجبالي

من فقدِتِك تبكي شمنصير والنير
بعْد الخبر جاها البكا بالهيالي

تبكي سرور ابن حبيّب بن ذْخير
والناس أقصاها بكى كالموالي

لكن مانقدر نرد المقادير
والدايم الله ربنا ذو الجلالي

والا البنادم لو عن موته ايطير
وقّع على راسه لقبره يشالي

مردّه البرزخ حياة المقابير
اللي عساها جنه لْروح خالي

اللي بعد مامات فرقه عن الغير
ذِكر(ن) يبى يحييه كل الليالي

ماقد نسى ربه ويسعى لتكثير
أعمال فالميزان تِحسب ثقالي

له مجلس امشرّع يحب المسايير
وجهه يحس الضيف منه انقبالي

ماراح ضيفه قبْل شرب المباهير
والا قبل ياكل جزيل الجزالي

ماتنتبدل جيرته بالدنانير
لو جا لجاره قصر في حي غالي

له هيبه اتفرّق جموع وطوابير
مع راي(ن) ايعمّد لطال الجدالي

وِله يمين(ن) ماتعد المخاسير
مع جاه يعتق له رقاب(ن) حلالي

والرب عوضنا عن افراقه بخير
مامات من عقّب زحول الرجالي

يالله سألتك ونت فالثلث الاخير
وعدتنا إنك تجيب السؤالي

ياعالم الاسرار لو انها افبير
يامن خلقنا من ليان الرمالي

عساه مع عشره بجنه مباشير
واكفه عذاب القبر ياخير والي

© 2022 - موقع الشعر