العجلة تنتهي هكذا

يوم تستعجل على ساعة وداعي
هو تحدي منك وإلا انه غبا!!

ماعطاك الوقت نبذه عن طباعي
بعد عشرة عمر تسأل ويش ابا!!

من يبي يلوي على كيفه ذراعي
يكرم السامع انا اقول يهبا!!

لاتعاتبني على طول انقطاعي
بانت الصورة وبان اللي خبا!!

روح في دربك ولا تخشى ضياعي
شاعرك باقي مثل مسجد قبا!!

لو تبي ترفض حضوري واستماعي
ياصلك صوتي وياصلك النبا!!

في سموي بالمحبة وارتفاعي
ما أتعامل في معاملة الربا!!

تدري لحبك أنا اعلنت الوداعي
إن " برك " والآ على مهله " حبا "!!

العذر مايشبع بطون الجياعي
وانت لاتفهم كثر صبري غبا !!