25 ساعة حب - عناد المطيري

بعض الخلايق إلى من قلت انا احبّك
سوّا لك الزحمه اللّي مالها داعي .!

خمسه وعشرين ساعه لازق بجنبك
حتى تعافه وترفض صوته الداعي

ياطالب الحب خل الحب يلعبّك
مجنون يجمعك ويشتتك ويراعي

إلى ذبحك السؤال وتاه بك دربك
هي متعة العمر هي غايات الابداعي

لولا الغياب ومخافة بُعدك وقربك
ماكان للحب قيمه ترفع الساعي

إلى ضمنت الحبيب وقلب يعجبّك
أعلن مراسيم موت الحب ياناعي

إسأل مجرّب عن أسقامك وعن طبّك
لا تاخذك بالحياه افكار الإقطاعي

ترى الزمن مثل ما يعطيك يغدر بك
مافيه جرح يتحّمل ظغط الاصباعي

© 2023 - موقع الشعر