ياناس خلوني وحيداً لحالي - بندر بن حسين المرشدي

ياناس خلوني وحيداً لحالي
لقيت انا في عزلتي راحتلي

ارجع مع الذكرى لوقتً مضالي
والا التسلي راح مامن تسلي

مدام وقتي عافني ماصفالي
انا بعد عفته وخله يولي

والله مستانس ويرتاح بالي
ولا ينشرح صدري سوى يوم اصلي

واهني من قلبه من الهم خالي
دايم ضحوك وخاطره مسفهلي

ماهو بمثلي ذقت مر الليالي
وحظ الشقا عن رغبتي واقفلي

وانا مادهورني ولا سم حالي
الا محبة واحدً مافطنلي

انجيت ابيّن له عن اللي جرالي
اخاف مايفهم وش اللي حصلّلي

واخاف يرخصني عقب كنت غالي
ويزيد صده بالجفا والتغلي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر