خلوني لحالي

لـ حاتم منصور، ، في الرثاء، 66

خلوني لحالي - حاتم منصور

خلوني لحالي .. يا ربع الوناسه
مدام قلبي بالسكاكين مطعون

الكل يملى بالسواليف كاسه
وانا على فقد المواليف محزون

آمال عمري ماهي تحت الدراسه
ألغيتها من حين ما صار مدفون

حتى الصفا عندي غثا الهم حاسه
و ما عاد عندي يا مخاليق مخزون

سبايب اللي راح مرحوم راسه
امسيت عقبه داخل الحزن مسجون

الله لا يجعل لي بعده انتكاسه
اموت مسلم صابر ٍ ما هو مفتون

هذا الوفا لعيون من طاب ساسه
حبيبي اللي داخل القبر ما يهون

ارثيه من بين الخلايق و ناسه
عساه في جنات ربي و ميمون

© 2024 - موقع الشعر