ابيات اعتذار وجهتها الى الاخ / عيد احمد العسكري ثم قصيده .

لـ ، ، في غير مُحدد

المنسابة: قمت بزيارةالاخ/ عيد بن احمد علي العسكري ،اثناء فتره العيدلمعايدته. واستأذنت منه للذهاب وحاول معي بالبقاء ولكن اعتذرت واشعرت انه اخذ في خاطره مني وارسلت له هذه الابيات ، واشعرت انه لم يقبل العذر. ثم ارسلت له قصيده.

هذه الابيات التي ارسلتها له على الجوال.
هذي ظروف الناس في فتره العيد
تلقى الرجل مشغول في كل ساعه
خل الزعل بالله ياصاحبي عيد
لك حق تشره مير حنا جماعه
وان كان ما يقنعك هالعذر لازيد
لكنْ اعرفك زين عندك قناعه
وشعرت بعدم قناعته وارسلت له هذه القصيده :
ياعيد لا تزعل عليه وانااخوك
ما للزعل في قلب شرواك خانه
في يوم عيد الليّ على اسمه وسموك
والاسم لايم موقعه في مكانه
شوفك فرح لين اكثر الناس حبوك
حب الوفاء ماهو بحب الخيانه
قلبك ما ياسع غير موصى به ابوك
طيب الرجال الليّ تحفظ الامانه
انت تمسكت بوصاته وعزوك
منهم على قدره وفعله وشانه
سمعتك تدعي كل الاجواد ينصوك
سمعة رجل ربه على الجود عانه
وانا وصلت وجيت من ضمن من جوك
اخ ووصل وده يعايد اخوانه
واقول لك في منتهى الصدق مبروك
من قلب اخوك الليّ نطق به لسانه
لك والليّ معك ومن في موقعك زاروك
والكل منكم ما تجيه الاهانه
والليّ حصل ما تدخله ذرة شكوك
من اي منا واعتبرها ميانه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر