يا سعـد هـاذي منازلنـا القديمـه - سلطان بن دحيم

يا سعد هاذي منازلنا القديمه
عانها يا خوك تتطرقها الهبايب

كن ما شيد بها بيت ٍ وخيمه
وكن ما حلوا بها ربع وقرايب

عقب نزل ٍ كنه جناح العتيمه
بالجهام اللي يزين بالجنايب

والمغاتير النظيرات المقيمه
ورثنا من شايب ٍ قدام شايب

اصبحت يا خوك تشبه للخريمه
ما بها سكان لله العجايب

كل ما مريتها عيني هميمه
بالدموع اللي كما وبل السحايب

وينشي بجوي من الاحزان غيمه
واخذ شويه مع الافكار غايب

كني اللي واقع ٍله في جريمه
عايش ٍعمره مصايب في مصايب

ومن تمكن جرح وقته من صميمه
لو صبر جرحه ترا ما هوب طايب

والرجاء في مشفي النفس السقيمه
خالق الانسان من صلب وترايب

انه يمد المشقا بالعزيمه
ويفرج الضيقه وهو جزل الوهايب

وكل طقه من زمنا بتعليمه
والعمر رحله والايام الركايب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر