دون داره مــــــــــا اوقــــــــــف ولا مـــيــــقــــاف - سلطان بن دحيم

كل ما جيت ابى ارتاح يا نواف
دق هاجوس صدري وذكرني

ثم تذكرت خل(ن) حسين اوصاف
لا ذكرته هكالحين دورني

لا ذكرته يجيني ولع واشعاف
ثم نصيته وشوقي محاصرني

دون داره ما اوقف ولا ميقاف
لين عيني بشوفه تبشرني

وكان شفته ترا ما علي خلاف
البلاء كان خلي تعذرني

صاحب(ن) بالغلا في ضميري ناف
أله رب السموات صاخرني

صاحب(ن) مسرف(ن) بي اغلاه اسراف
وشوقي لطلعة الرجم يجبرني

وكل ما ارقبت في عالي المشراف
هل دمعي كذا ما يشاورني

السهر والحزن والدموع احلاف
حالفتني يا ربي تصبرني

© 2024 - موقع الشعر