ماذم شعبه مير من كب داره - مرزوق بن عالي السكيك العضياني

ياراكب اللي مشتريها خياره
عابر ومزيود ٍ لها فالبريره

لين ان زود الني جاله تجاره
ركابها يطمع بقطع الجزيره

مرباعها في حبر ترعى حجاره
من يوم طاح الوسم وهيه تديره

لاروّحت مع خشم خرب وسماره
تقول عرو(ن) روّحت مستذيره

ركابها ماله هوى فالخطاره
بتّاع يازن هرجته في ضميره

يمش الضحى والليل يقطع عقاره
يمشي على مهله بفكر وبصيره

مايشتري من عند راعي تجاره
بنزيمها موجود في كل ديره

ومكلفه بالقش من كل اشاره
ومعلق ٍ فوق افطحتها قصيره

وليلة ثلاث ليال ٍ مع خشم واره
قد صدّرت من ديرة ٍ يم ديره

دار الصباح أهل الشرف والوقاره
مزبنين اللي بتوعه قصيره

واليا وصلت ارض الكويت ومداره
لاتنشد الا إعن الاسام الشهيره

ذوي مجري حاملين الخساره
كم طاح قد بيوتهم من عثيره

حلالهم مايجعلونه تجاره
وقت القسا يوم الليال العسيره

والحر فالماكر يزيد افتخاره
والبوم يلقا غير مجناه ديره

وماذم شعبه مير من كب داره
لابد ماتكتب عليه المعيره

© 2024 - موقع الشعر