وان كان طنب البيت مايرتكيله - مرزوق بن عالي السكيك العضياني

يامرحبا باللي جديد ٍ مديله
عداد ماتذري هبايب رماله

ليلة لفاني فيه يابرْ ك ليله
عليّ تقليطه وأكمّل سواله

ابموتر ٍ ياسعود وانته دليله
على ادهم ٍ يبر الضمير اجتواله

رسم الجميع مورّده من عميله
وعلاه لوحات السعودي كماله

ماردّه الشاوي لقش الحليله
شاريه للاّ زم اليا مابداله

على طلوع الصبح واقفاي ليله
إمن الودي امكمّلا ً ماطراله

والصبح فالدار الكويتي مقيله
عند الشجيع اللي تنومس فعاله

اسرور كسّاب الشرف والنفيله
صقر ٍ ولد صقر ٍ بعيد مناله

وسلّم عليه وخص كل القبيله
ذوي خميلي كاسبين الجماله

وقلّه ليا جات الامور الثقيله
راسي ومالي دون راسه وماله

وان كان طنب البيت مايرتكيله
مافيه ستر ولاسكن في ظلاله

وافطن ترى بعض القلايع هزيله
ماتوزم الرجال يبدي مجاله

وإن كان ماله سيف واعزتيله
لو كان طيب ماصلح للخياله

© 2024 - موقع الشعر