الطلي .. وان تعلا فـ الحقيقة طلي !! - سعد مسهوج العلاطي

كانها بالوساطه ..في يديني حلول
وكانها بالقصايد استمع ما يلي !

الشعر للفحوله وللفحوله ذلول
والطلي وان تعلا ف الحقيقة طلي!!

بعضهم لا تكلم ما عرف وش يقول
والسوالف تراها ما تهز جبلي

لو لا ما كنت ناجح ما يسولف عذول
والا لو كنت فاشل ما دروبي هلي

كل شاعر ف شعره يستشفه ميول
وكل غلطه .. وراها ف القيامه ولي

لا الفضاله تشاااابه ف المعاني فضول
ولا الاشاااعه تنزل واحد ٍ معتلي!

وانت واحد اناني والاناني نضول
والا من خاب دلوه ..ما يسب الدلي!!

الجبل كان جيته ما تطيق النزول
والا من صرت حدري دوم تحكي علي

كان بنكث علومك هالقصيدة تطول
واللي مثلك يدنس بالشعر منزلي

دوك بيت ٍ يهمك ما يهمه قبول
مثل جهم المراكب في نهار ٍ جلي!!

للرجوله مراجل .. للقصايد فحول
والطلي وان تعلا ف الحقيقة طلي!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر