كب المرض ياعم

لـ ماجد الزيد الخالدي، ، في غير مصنف، آخر تحديث

كب المرض ياعم - ماجد الزيد الخالدي

ياعم قم هات الوجع في كتوفي
لو صيّرت منه سوات النثايل
افتح عيونك واوملي بالكفوفي
وعطني علومك يا مقر الفضايل
فوق المراجل من عرفتك تنوفي
وفوق الصمايل عادتك بالصمايل
كب المرض بالله فينا تروفي
حنا الممرض يوم جتنا الرسايل
ياعم بالله لاتطيل الوقوفي
قلوبنا ولها شعتها الفتايل
دشرتنا بقفرٍ كئيب ٍ يخوفي
غيران سعلوٍ يدور الغوايل
هذي ثلاث ايام لوما تشوفي
كنها ثلاث دهور دونك تلايل
يالله يالي لراعي الخير توفي
والاجر تجزى فيه سبعة مثايل
يامنجي ايوب ًوموته يحوفي
يامدركن يونس ببطن الهوايل
تنجي ضعيفن طاح بين التلوفي
والعافية بامرك سوات المخايل
يارب ونما جاه منك سعوفي
ماعايله غيرك ولا عنْك عايل
حنا عبيدك تحت ملكك ضعوفي
وانت القوي كلما خلقته دلايل
حنا الفنا والموت حنا الطيوفي
والدايم انت وماخلا الله زايل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر