كب الزعل

تعال قبل الزعل يفرض موادعنا
ما ينفع اليا غرقنا مد الايادي
 
مافيه داعي نكررها مواجعنا
انا حفظت الحوار الموجع الهادي
 
تزعل و اجيلك بلا طاري ولا معنى
الو ، هلا ، بالغلط و تقول : لا عادي
 
نكابر الشوق ثم تغرق مدامعنا
اطفال مدري بهالفرقا من الغادي
 
نسهر و اغاني المفارق في مسامعنا
و نذكر ليالي المحبه والغلا السادي
 
انا احبك كثر مَ احنا توادعنا
انا احبك كثر ما تشكي عنادي
 
انا احبك كثر مَ احنا تولّعنا
واللي بَعَدنا تقاليدي لأجدادي
 
جيتك انا وقلبي المخذول واسمعنا
بالطيب تدري عطيتك حلمي وزادي
 
كب الزعل من قبل يفرض موادعنا
لو بالزعل خير كنت مْن اول البادي