حتى الطريق اللي تمرّه .. بكيته - محمد الحيص

هذا الطريق اللي فتق جرح مغليك
يالغايب اللي .. ما تعدّيت بيته !
كل شي حد اللي يحبّك ل ماضيك
حتى الطريق اللي تمرّه ( بكيته )
حاولت أقرّب من بعادك و أراضيك
مآفيه جرحٍ بالهوى ما ( نخيته )
عيّت علي صدوف الأيّام لا آجيك
ما عاد تنفع عاشقك " لو و ليته "
اثر المكابر .. لا تبعته يبكيك ،
يا ضيق صدري من طريقٍ مشيته
وين إنت ياللي كل ما ضقت أناديك
وين إنت ياللي خافقي ما شكيته
( برد و جفا ) ماكنّي الا معاديك
وين الدفا و وصالي اللي بغيته !
ما صبّرك يا كود منهم حواليك ..
ومافيه احَد في بُعدك الا جفيته ،
و الحين ما لي حيلةٍ في مساعيك
ما غير ذكرا موعدٍ قد نسيته !
هذا الطريق اللي فتق جرح مغليك
حتى الطريق اللي تمرّه ( بكيته )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر