?الهجوس اللي بصدري شاقها طول الطريق

الهجوس اللي بصدري شاقها طول الطريق
‎كل ما قرّبت قالت هبْ يا ذا مَسرعه

طاب جوك يا المسافر ما نقصك الا الرفيق
‎مابقا لك فالنشاما كود قله مقنعه

من على جمسن مقرّش لامشى مشيه رشيق
‎يقطع البيدا ويطوي كل دربن جا معه

وردوه اهل الصناعه في قياساته دقيق
‎منوت اللي حن قلبه ونتخابه مدمعه

له سنه عن شوف منهو عقّب الجرح العميق
‎حالت الارزاق دونه والظروف الموجعه

لا تذكر شوف خله . ما جداه الا الزعيق
‎ولن نوى المطراش يمه جاه شين يمنعه

كملها ساق المعنى مارقت صرحن عريق
‎ مل من كثر القصيد اللي كتبه ويجمعه

انفتح باب الكلام اللي على الخاطر يويق
‎له سنه مقفول بابه ما لقا يسمعه

جيتك اليوم وماني من عناها مستفيق
‎هات كل اللي تكنه والامل لا تقمعه

الليالي للبنادم مثلها مثل الشقيق
‎كان طابت قام حظك . جاك يشّر بصبعه

في زمانن ما يعيش الا من جيوبه تضيق
‎بالدراهم والصكوك اللي وراها منفعه

نطرد الارزاق فيها من فريق أليا فريق
‎وان ضويت بكسبْ صعب المال فيها تجمعه

مادريت ان النهايه حفرتن منها تضيق
‎والحظيظ اللي يقدم للقا ما ينفعه

شاعرك نال القناعه والرضا حبله وثيق
‎واا عذاب اللي فقدها في زمان المعمعه

تمت بلحظة وصولي والثنا لله يليق
‎احمدك واشكرك يااللي كل ضيق توسعه

#فهد__المنصوري
______________