انا لو اني ابـ آحب شخص .. حبّيتك

أرجوك قدّر حياتي و إحترم ظرفي
أنا لو إني أب آحب شخص؟ حبّيتك
 
لكن من الحب قلب المنجرح معفي
لو أدري بتحب ما جيتك و خاويتك
 
كم عام عدّا ؟.. و لكن ما وقف نزفي
من تجربة حب … جابتني ليا بيتك
 
جيتك أبستر عن عيون البشر ضعفي
لولا همومي و ضيق النفس ؟ ماجيتك
 
خابرك لآضاق صدر صويحبك تلفي
تشيل همّي ولا أدري كيف ( همّيتك ) !
 
آسف لأني خذلت إحساسك بعطفي
وآسف إذا أنّي بصدق إحساسي آذيتك
 
لا تعتذر عن شعور الحب لا تخفي
إحساسك و تقتل الكلمه بتسكيتك
 
إذا انت خايف تقول تحبّني و أقفي
أنا . . لأني ( آخاف آحبّ )، خلّيتك