أغليت داره والغلا منه بالذات

لـ مناحي بن سعد السبيعي، ، في غير مُحدد، آخر تحديث

أغليت داره والغلا منه بالذات - مناحي بن سعد السبيعي

أمس الضحى مريت وللعين أشقيت
أشقيت عيني بالبكا والتنهات

في وسط دار الخل بالفكر سجيت
وقمت التفت بالعين وأقول هيهات

هيهات اشوفك ياحبيباً تساويت
على عروش القلب تملك مساحات

تملك ومن غيرك له القلب اعطيت
خذه وبالمده عيوني قريرات

اغلى منى قلبي اشوفك بعد جيت
عاني ومن داري قطعت المسافات

وسط القويعية عسى والي البيت
يرسل عليها من المزن دوم زخات

دارٍ سكنها منية الروح أغليت
أغليت داره والغلا منه بالذات

حبه تمكن في فؤادي وغنيت
وبدعت قيفان الغلا به والابيات

وأعلنت حبه للملا ثم عديت
زين وجمال أخلاق مع حلم وطاعات

© 2024 - موقع الشعر