ذي دولة الاصلاح - مناحي بن سعد السبيعي

يا الله ياوالي عليك اتكالي
يا عالم مكنون قلبي وسره

ارجوك تسعفني بحلو المقالي
بأبيات عذباتٍ من الشعر نظره

لجل الوطن تفداه روحي ومالي
وكل اللذايد دون صحراه مره

نويت اعبرها بهجس طرالي
واهج لظى جمره على القلب حره

اشوف انا في مجتمعنا ميالي
افكار منحله تجيب المضره

ناس تنادي للفتن والضلالي
الشر تدعي له ولا تجره

بأفعالهم واقوالهم الهزالي
نادى لها الشيطان والصوت جره

وراحوا وراء الملعون شين الخصالي
حتى مرقوا من دينهم لاخو مره

بالهدم والتفجير وخبث الخلالي
قالوا نبي الاصلاح ماعنه مره

وشلون تبغي أصلاح والعقل خالي
ضيعك مادلك نجوم المجره

ذي دولة الاصلاح اول وتالي
شيد بناها إمام لله دره

عبدالعزيزاللي ماغيره في بالي
هو سابق الخير ودعى اللمسره

عدل عوجها يوم كانت هيالي
حتى استقامة وانجلت كل كدره

واليوم تبغي صلاح ياهم لالي
ابعد وكف اذاك وتعد نصره

وين الخطأ وين الغلط وشكالي
وين اللذي في مجتمعنا يقره

انصبت في قلبي ولا سلم حالي
والعقل مما صار جاء فيه فره

يوم نضرت وشفت شيئاً خيالي
ينكره دين وعقل وتنكره فطره

مابين هدر اموال وقتل العيالي
وتشريد شيخ وطفل عامين عمره

وش ذنبهم حتى يحل النكالي
ويش الجريمه ويش ياعباد شره

أرجع لدينك خل عنك الهبالي
وأتبع نبيا كلنا نتبع أمره

أختام قولي أرتجي ذي الجلالي
يرزق بلدنا الامن ويزيل عسره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر