الأسئلة - حسين العسيري

بين التلال وعلى .. ذيك الرمال الحمر ..
 
والموقد الدافي لبس حلته من جمر
 
ساعة غروب الشمس .. والجو هادي ..
 
وهب الريح له وقع في أقصى فؤادي
 
طارت بي افكاري ورحت .
 
من غير ما اشعر سرحت ..
 
وش على بالي وطرالي ؟
 
وش غدا بك في خيالي؟
 
يمكن تذكرت العذاب؟
 
والا سنين الاغتراب ؟
 
والا الطيور السارحه خلتني اشعر بالقيود ؟
 
وهي طايره في جوها ما تعرف امتار وحدود.!
 
مدري وش الاسباب ... ؟؟؟
 
وصارت افكاري تلحّ وتطلبني جواب .
 
وما كنت أرد .. ولا كان يحضرني جواب ..!!
 
وبعد الغروب حل الظلام ..
 
مع اني ما آهاب الظلام .. حسيت في وحشه ..
 
واختلط عندي شعور .. الحزن والدهشه
 
ف وسط السكون وما به احد غيري
 
ووجهي رسم .. أقسى تعابيري
 
ومن دون ما اشعر صرخت ..
 
وعن حبنا الماضي سألت .. ؟!
 
 
وليه انتهى ..؟ وكيف اصبح الماضي بعيد ؟
 
وليه ارتضينا ننجرح ؟ والدم ينزف من وريد ؟
 
وليه الاماني قصّرت ؟
 
وليه الليالي ما وفت ؟
 
 
يا كثر ذيك الأسئلة ..
 
يا كثر ذيك الأسئلة .. ولا به جواب !!
© 2023 - موقع الشعر